Mamaaksa Oromo

A.

Ala ilaalani keesaa dhugu

Afaanii ba’e, gooftaa namaa ta’a

Akka abaluun sirbaan marma nama jal’isa

Akka baran dhiisani, akka baraa bulu

Akka fuudhaan natti fuudhe, hintala abbaa qoro na fuusisee, adaraa abbaa koo naan jetti

Akka taate hataatu, ilmi abbaatti habaatu

“Akkan beekutan of ajjeesa” jette jaartiin muka shumburaati of fannifte

Akkasumati daggala ta’ani, hantutni namati galtee namati dhalte

Allelladheen fuudhaan, fuudha male nama hambisa

Amalaaf abidda keenyan keesa hin kaa’ani

Ana ha nyaatuun quufa hin ta’u

Ani waanan argeargeeraa, karaa awaala abbaa keesani hin ba’inaa jette jaartiin

Atoomaratti foonni tafkii cidha galcha

Ayyaanaaf fagaara wajjin dhalatu

B

Baraa fi murxxuxxee gad jedhani jela darbu

Barcumaa fi ulfina abbaatu of jela baata

Barrii lafa hin ba’u

Bineensi dura argan nama hin nyaatu

Bishaan garace’aniti daaku

Biyya abbaa koo jette jaldeesi dhagaa irratti hafte

Biyya goophon baay’ate, isa ol jedhee deemutu fokkisa

Bor hin beekneen buko koo fixxe

Boora’u male hin calalu

Bunaaf mooti afaan duwwaa hin dubbisani

Buqqee xuweerra hafee ta’e

C

Callaa fi salphina hin quufani

Caa jettu caa jetta male waan hiriyaan koo naa kenne hin dhiisu jedhe namichi fatte nyaate

D

Dagataa utubaan si’a lama dha’aa

Damma utu mi’aawu qadaadu

Dhimmaa fi abbaatu qoricha

Dubbiin yoo baay’ate harreeti hin fe’ani

Dhiirri dubartii hin dubbifnne raatudha; Dubartiin dhiira dubbiftu maraatudha

Dura qalbiitu dhiba; booda humnatu dhiba

E

Egaa maal jennaree jedhe jaarsi saawwa gatee

Ergan hagee naa bantaa jedhe namichi mana keesatti alba’ee

F

Fardii harree wajjin oole dhuufu bara

Furrooftu haatu lama hin dhugattu

G

Gabaabadhu iyyu anumatu abbaa keeti jettiharreen gaangeedhaan

Gaabii fi eegen boodde deemti

Gaada itto marqaa nyaatu

Gabaafi kajeellaan ganama nama darba

Gadheen yeroo namati himattu ni boossi, yeroo itti himatan ni kolfiti

Gaafa hatuun heerumtu galaanatu guuta

Gaafii gaaf harreen sa’a dura galti

Gabaa Leeloo Jimmaa dadhabaan hin oolu, gabaa Tuuchoo Duubee danqaraan itti oofu

Gaggabsaa eelee jelatti xuwwe

Galaa fi itto gara boodde miidhu

Galaa sanyii lakkaa’uun, akaakayyu ga’ee dhiba

Galata habiituniiti rafte dhungata

Garbitti lubbuuf kaatu ollaan colluma se’a

Garbttiin gargaarsa argatte maji dhoksiti

Garbittiin gaafa masqalaa bitani gaafa hundumaa quufa seeti

Gaariin mudaa hin dhabdu, hakkifatte liqimsiti

Gegeesituun manaan hin geesu

Gooftaan koo gooftaa qabaa jedhe namichi

Goopho akkuma isaatti awwaalu

Goorro abbaatu hordata, roorro abbatu dhowata

Gowwaan bishaan keesa ijaajje dheebota

Gowwaan cabaa tuffatee hagabu bula

Gowwaan dubbi hime hin himin jedhe kadhata

Gowwaan/Kan akaayi nyaatu/ du’a abbaa isaa kolfa

Gubatte hin argin madaaabiddaa

Guddaa naqaniif qoricha hin ta’u

H

Hafuura ajaa’uufi dubbii busaa’u abbaan of irratti hin beeku

Haadhagabaabdu, ijooleen hirdha seeti

Haati akka bartee, hintali akkaagarte

Haati mimixaa ‘kan kootu guba jetti’

Haati hattuun hintala hin amantu

Haati sirbaa mudde, sirbi bishaan dhugde

Haguugatte hagdii, hudduun qullaa

Hamaan afaani, na rukkuchiiftee jedhe mataan afaaniin.

Hamma diinni kee dhufuti ratta’i

Hamma hidhataniti ni marxifatu

Hamma ishe jaallatan hin beektu, adraa du’a koo jetti

Hamma namaa hin beektu, cabsa namaa hi teessu

Hamaan hamaadha dhaanen bo’icha dhowwa

Harka namaatiin abdda qabachuun nama hin dhibu

Harkaan dhaabani, buqisuu fi dabokadhatu

Harkii dabaree wal dhiqa

Harreen wal dhiitti male, ilkaan walitti hin fixxu

“Heeruma koo heeruma hin ta’in, harmee koo biraa bane, kal’e koo bishaan nyaate”

Hin lixu hin ba’u, farad gola lixe

Hin lixu hin ba’u, kaku rakkisi

Hindaanqoon ofiin galti, reettiin galchaa eegati

Hiriyaa male adeemtee, gala gegeesaa dhabdi

Hiriyaan nama dagura, wuchiroon nama dagu wayya

Hokkoon gara ofisheeti haati

Hoolaan goftaa cimaa qabdu, duboo ala keesee rafti

Horiif maraatu hidhaatu danda’a

Hormi ni rafaafi jaamaan ol dabartii

Huqqattu fuunyaan furridha, haadhaa fi abbaati qumbidha

Huqqattu haatu lama hin dhungattu

I

Idaa hin quuftu, waasi naa ta’i

Idaan guddaa wayya, hir’uun gadi fago wayya

Ijoollee dhalachu dhiba

Isa jaamaaf kaa’ee inni ija qabu argee hin fudhatu

Isa kaameetiin itti jirtu moogeen quba hin abdu

Isa taa’e ilaaluu fi daakuun boqqollo dimblaala

Ishee xinnon akka agarte, ishee guddoon akka barte

Itti fuudhaa dhukuba amaatii, itti hin qalan, biraa hin galan

Itti fuudhaan natti fuudhee, hintala abbaa qoro na fuusise, adaraa abbaa koo naan jetti

Itti harkisaan itti uwisaa hin ta’u

Itto qallo abbaatu furdifata

Iyyeesa garaa kutate, bishaanraafuutu gabbisa

Iyeesa yeroo lafa bultii dhowwu dhuufuu itti buusa

Iyyeesi cabaa tufate, hagabuu bula

Iyyeessi fi abiddi tutuqaa hin jaallattu

J

Jaallatanii hin godoomani, waaqatu fondoge namauuma

Jaarsii ijoolee wajjin nyaate lamuu nyaata

Jaartiin deemsa guddattu mana namaa kesa gubatti

Jabaan jabaadha, dhaane boo’icha dhowwa

K

Kajeeltu lamaan wali hin jaallattu

Kaleesa harre yaabdee, har’a yaa lafoo jetti

Kan abbaara beeku budaadha

Kan abbaa isaa yanboon ajjeefte, muka gubataa baqata

Kan argatanira kan abdatantu caala

Kan ciisichatti jibbani kaate ijaajite

‘Kan dandeesu dhaani’ jennaani gowwaan gale niitii dhaane

Kan deegaati roorisu hin badhaadhu

Kan dubbii namaa barbaadu udaan namaa keessa muka kaa’a

Kan gaalchaan hin beekne, itti himan iyyu hin bartu

Kan gabaa dhaqu mucaa isaa ajeesa

Kan gagabuti, kan cichu dhufe

Kan ganna qotani bona haamu

Kan ijoollee wajjin nyaate lamu nyaata

Kan jiruu hin qabne dhangalaase funaana

Kan mari’atejibicha gurguree kan hin mari’atin goromsa gurgure

Kan namaa dhimme baala misiraati namaa bixxila

Kan namnii nama arabserra kan abbaan of arabsetu caala

Kan rakkatte ulfafuudhe sadii ta’ee wajjin gala

Kan Waaq jaamaaf kaa’e, inni ija qabu argee hin fudhatu

Kan waraabeessa yaabe ‘sin uddeelladha’ jedha

‘Kana iyyu warri raftnaani’jette sareen dhagaa wal araabsifte

‘Kanumaaf boosuma ba’uu’, jette boosaan corroqaan fuula dhiqattee

Karaaf halagaa/garaa tu gargar nama baasa

Karaan gabaatiif karaan jabaa bukkeedhaani

Karaan sobaan darban deebiiti nama dhiba

Keessa beekititu nama ajjeesa

“Keesaa kaa’an malee, keesaa nyaatan malee, billiitiin hindaanqo 12” jennaani, “keessaa kaa’us siifi, keessaa nyaadhus siifi, gasam’alaa ati hammanaa” jette jaartiin

Keessumaan namaa rafte hamma namaa galte

Kootiin kan ofitii, keenyaan kan warraati

Kormii sare isumatu seera dhaaba, isumatu dhagaa araaba

L

Lafa abbaan qotee of dhaabee, eenyutu nama buqqisa

Lafa cite dhukuba

Lafaa fi lafeedhaaf du’u

“Laftis ba’ii” jette jaartiin sireraa kuftee

“Laga marqaa jennaan, ijooleen boojjitto guurtee yaate

“Lamahin jiru” jedhe Shiri Kubi

“Lama na in fuunfatan” jette jaartiin

M

Maal habaasuu fi dhama raasu

Malaan malaa uru

“Mana aayyo koon dhaqa jettee goraa bira hin darbin

Mana ganama badee galgala hin eegani

Manaa baqqo jirtti, baqqodhaa godo jirtti

Maraatuu fi hori hidhaatu danda’a

Maraatuun waan namaa fuutee, hin kennuu maraatii

Mariyataan gowwaa hin qabu

Maasi iyyeessaa wuchirootu ajjeesa

M“ee hin caalin’ jette jaartiin jaarsa ishe waamu barbaadde

“Mi’aa sibiilaa gaangootu beeka” jedhe Leello Jimmaa

Mi’awal fakkaatu wal bira fannisu

Michuun saphaliisa cuquliisa michuun gingilchaa gundoodha

Miidhaga yaadanii, miidhama hin yaadani

Miilla lama qabaataniif muka lama hin yaabani

Mixiin hidda qabatte laga ceeti

Mucaa keetiin qabi, mucaa koo naa qabi

Mucaa furrooftu, haatu lama hin dhugattu

Muka jigeetti qotton baay’eedha

N

Nama farda barbaadu gurratu gurum gurum jedha

Nama hamma Sanbataa abdatan hamma Dafinoo namaa ga’uu dadhaba

Nama jibicha qabu, sangaa hin dhowwatani

Nama lafee qabutu lafee nyaata

Namni akkaayii nyaatu du’a bbaasaa kolfa

Namni bofarraa goree, bofii namarraa goree, karaan giddutti hafe

Namni hamaan dhibba liqeefatee tokko tokkoon deebisa (The whole is greater than the sum of the parts)

Namni qodaa naaati nyaatu hin arraabbatu

Namni waaqa isa isa dhukubsachiise dhiisee, nama isa dhukkuba gaafachu dhiise komata

Namni waraabessa yaabe sin uddeelladha jedha

Natti hin hafin jettee, dhabduun facaafatte

Niitii abbaa manaatu gara hudduu baata

Niitiin afaan kaa’a barte, kabaluuf jennaan afaan bante

Nyaadhu nyaadhu gara fira keetti galagali hooqisi

Nooriif bazgeeritu midhaan koo fixa

O

Of hin beekneen, ‘jaarsa keerra jaarsa kootu caala, bukoo naa liqeesi ’ jetti

Ollaaf kositti gadi ba’u

Ollaan bultte beeka, akka itti bule abbaa beeka

“Oluma” jedha warri mana xinnaa

Okkoon garuma isheetti kotaati

Ormaaf itto gara duubaa miidhu

R

Rakkatu gala, dhiphatu fira bara

Q

Qunceen ganama jiisan hin cittu

Quufan male hin utaalan, utaalan male hin caban

S

Siqee dhufe jette jaartiin bakakaan mana bukkeetti bunaan

Sodaataa hin bitin, jiilaa biti

U

Barcumaafi ulfina abbaatu of jela baata

W

Walii galan alaa galan

Y

Yaaq siifan ka’a, achumaanan gaayyaa koo fudhadha jette jaartiin

Yoo ol fiigu dadhabani gadi susuku